Stefán Sölvi Pétursson

Fæddur: 20.mars 1986

Hæð: 195cm

Þyngd: 155kg

 

Ég byrjaði að æfa af fullu kappi haustið 2003 og einbeitti mér að kraftlyftingum til að byrja með. Með þeim var markmiðið byggja upp grunnstyrk áður en ég reyndi fyrir mér í aflraunum en það var búið að vera draumur síðan maður var gutti að fylgjast með Jóni Páli.

 

Árið 2004 keppti ég á nokkrum kraftlyftinga mótum sem gekk hálf brösulega fyrir sig þar sem ég var enn að læra á erfiðan útbúnað sem kraftlyftingamenn vilja gjarnan klæðast.

 

Árið 2005 byrjaði ég að keppa á aflraunamótum meðfram kraftlyftingum. Í ágúst þetta ár vann ég minn fyrsta titil í aflraunum þegar ég sigraði keppnina um Austfjarðatröllið. Síðar um veturinn fór ég í ferð til Finnlands ásamt vinum mínum Pétri Bruno og Benedikt Magnússyni til keppni á kraftlyftingamóti. Þar tók Benedikt heimsmet í réttstöðulyftu 440kg sem var jafnframt þyngsta réttstöðulyfta sögunnar á þeim tíma. Ég lyfti á því móti 350kg í réttstöðulyftu sem var heimsmet í táningaflokki þá.

 

Árið 2006 byrjaði ég að æfa eingöngu fyrir aflraunir. Það ár vann ég Vestfjarðavíkinginn og Austfjarðatröllið. Komst svo út til keppni í Skotlandi og Úkraínu og keppti svo á heimsmeistaramóti aflraunasambandins IFSA þar sem ég var hársbreidd frá því að komast í úrslit.

 

Í fyrstu keppni ársins 2007 í maí, slitnaði vinstri upphandleggsvöðvi. Við það þurfti ég að hætta keppni og gangast undir aðgerð. Það fór því þannig að ég missti af öllum keppnum það árið en einbeitti mér í stað þess að ná fullum bata og að koma mun sterkari til leiks árið eftir.

 

Eftir enduhæfingu og strangar æfingar kom ég sterkur til leiks í byrjun árs 2008. Keppti á fjölda móta hér heima og erlendis með ágætis árangri. Sigraði keppnirnar um Vestfjarðavíkinginn og Austfjarðatröllið og fór til Skotlands til að spreyta mig í hálandaleikum. Ég tók einnig þátt í tveim af sterkustu aflraunamótum heimsins. Fortissimus í Kanada og keppninni um Sterkasta mann heims sem fram fór í Bandaríkjunum.

 

2009 gekk vel og var nóg að gera í keppnum erlendis. Reynslan safnaðist upp og bætingarnar létu sjá sig. Ég komst t.d. í fyrsta sinn á verðlaunapall á alþjóðlegu móti og tryggði mig með því inn á sterkasta mann heims mótið aftur. Ég lenti þó í gríðarlega erfiðum riðli og komst ekki í úrslitin. Endaði árið með Sterkasti Maður Íslands og Vestfjarðavíkings titilinn og mikla og góða keppnisreynslu erlendis.

 

Keppnistímabilið 2010 var langt og viðburðarríkt. Titill um Sterkasta Mann Íslands var varinn örugglega en vikunni eftir í keppni í Noregi reif ég aðeins vinstri kálfavöðvann. Vegna þessa missti ég af mótinu um Vestfjarðavíkinginn. En meiðslin jöfnuðu sig vel á einum mánuði og fór maður varlega í næstu mót og hugsaði um þau einungis sem æfingu fyrir sterkasta mann heims mótið. Með góðri hjálp komst ég svo í æfingabúðir hjá óumdeilanlega sterkasta manni allra tíma, Zydrunas Savickas frá Litháen. Gengu æfingarnar afar vel vægast sagt og var sjálfstraustið mikið fyrir stóra mótið. Þar komst ég í úrslitin og kom svo mörgum á óvart og náði 4.sæti.

 

 

Apollon öxull 192,5kg

Drumbalyfta 175kg

Hnébeygja 330kg

Bekkpressa 226kg

Réttstöðulyfta 390kg

Atlas kúlusteinn 210kg 3 endurtekningar yfir 135cm.

Kútakast: 21kg yfir 5,8m og 25kg yfir 5,4m.

25kg lóðakast yfir rá. 5,49m (18 fet)

 

 

 

2004

Austfjarðatröllið 2004 6.sæti ( Vantar staðfestingu )

 

2005

Sterkasti Kraftakarl Íslands 2005 Akureyri 5.sæti

Vestfjarðavíkingurinn 2005 7.sæti

Austfjarðatröllið 2005 1.sæti

 

2006

IFSA Sterkasti maður Íslands 2006 2.sæti

Vestfjarðavíkingurinn 2006 1.sæti

Callander games Skotland 2006 5.sæti

World´s strongest nation 2006 Úkraína Liðakeppni – Ísland var í 3. af 4 þjóðum í sínum riðli.

Austfjarða og Austurlandströllið 2006 1.sæti

IFSA World Championship 2006 5.sæti í 3.riðli undanúrslita.

Arnold challenge 2006 Úkraína 8.sæti

 

2007

IFSA Sterkasti maður Íslands 2007 ( meiddist og hætti keppni )

 

2008

Arnold challenge 2008 Úkraína 5.sæti

Texas Strongman Classic 2008 1.sæti

Strongman Champions League Serbía maí 2008 5.sæti

FÍK Sterkasti maður á Íslandi 2008 1.sæti

Sterkasti maður Íslands 2008 2.sæti

Fortissimus 2008 Montmagny Québec Kanada 8.sæti

Vestfjarðavíkingurinn 2008 1.sæti

Highlander challenge Scone Palace 5.sæti í riðli 2.

Callander Highland Games 8.sæti

World´s Strongest Nation 2008 Liðakeppni. Ísland endaði í 5.sæti.

Austfjarðatröllið 2008 1.sæti

World´s Strongest Man 2008 4.sæti í riðli 1.

New Hamshire Highland Games 2008 1.sæti

 

2009

Íslandsmeistaramótið í drumbalyftu 2009 2.-3.sæti

Viking Power Challange 2009 4.sæti

Sterkasti Maður Íslands 2009 1.sæti

Highlander Challange 2009 Norður Írland 6.sæti

Vestfjarðavíkingurinn 2009 1.sæti

Callander Highland Games 2009 Skotland 6.sæti

Killin Highland Games 2009 Skotland 7.sæti

Giants Live Pólland 2009 3.sæti

World´s Strongest Man 2009 3.sæti í riðli 2

Strongman Super Series Venice Beach CA 2009 9.sæti

 

2010

Íslandsmótið í drumbalyftu 2010 2.sæti

Giants Live - Suður Afríka 2010 4.sæti og Africa Grand Prix 3.sæti

WSM Experience London 2010 5.sæti

London Scotish Rugby Club Highland Games 2010 5.sæti

Sterkasti Maður Íslands 2010 1.sæti

Carmunnock Highland Games 2010 6.sæti

Viking Power Challenge 2010 Storefjell Noregi - ( Meiddist á kálfa í fyrstu grein og hætti. )

Callander Highland Games 2010 8.sæti

Giant´s Live Pólland 2010 8.sæti

World record attempt Antonov 124-100 plane pull Ulyanovsk Rússland 2010

Lithuanian Strongman Championship 2010 5.sæti

World´s Strongest Man 2010 Sun City Suður-Afríka. 4.sæti í úrslitunum.

Giant´s Live Tyrkland 2010 3. sæti.

Jón Páll Sigmarsson Classic (Þurfti að hætta keppni vegna veikinda)

 

2011

Giant's Live - London 2011 jafn í 4.sæti