The World's Strongest Man 2011 keppninni er lokið. Hún fór fram dagana 15.-22.september á campus Wingate háskólans í Monroe, Norður Karólínu.

Við vorum tveir að keppa fyrir hönd Íslands. Ég og Hafþór Júlíus Björnsson sem var að mæta á þetta mót í fyrsta sinn. Hann stóð sig virkilega vel og við náðum báðir að komast í gegnum undanriðlana og í 10 manna úrslit keppninnar.

 

Úrslitin gengu ekki eins vel fyrir mig og hafði vonað. En þrátt fyrir það lærði ég mikið og í raun meira en í fyrra þegar ég náði 4.sæti. Ég hafnaði í 9.sæti í ár og verður það að teljast ágætt miðað við hvað undan er gengið þetta árið. Hafþór endaði jafn í 6.-7.sæti sem er bara ótrúlega glæsilegur árangur miðað við að hann var að mæta þarna í fyrsta skipti. Ísland er að hasla sér völl í þessari keppni aftur og erum við báðir hungraðir í að ná þessum glæsta titli í náinni framtíð :)

 

Að burðast með 450 kílóa hlass á herðunum sem bera átti yfir 25m braut.